კეთილსინდისიერებისა და ანგარიშვალდებულების მექანიზმების გაძლიერება საქართველოს ადგილობრივი თვითმმართველობის დონეზე
14 ივნ 2023
2023 წლის 17-19 მაისს, გაეროს განვითარების პროგრამის (UNDP) პროექტის - „დეცენტრალიზაციისა და კარგი მმართველობის ხელშეწყობა ადგილობრივ დონეზე” - მხარდაჭერით, საჯარო სამსახურის ბიურომ, საჯარო სამსახურის რეფორმის მიმდინარეობის საკითხებზე გამართა შეხვედრები, კახეთის, ქვემო ქართლისა და სამცხე ჯავახეთის სახელმწიფო რწმუნებულის და რწმუნებულის მოადგილეების, კახეთისა და ქვემო ქართლის რწმუნებულის ადმინისტრაციისა და კახეთის ადგილობრივი თვითმმართველობის ორგანოების პირველადი და მეორადი სტრუქტურული ერთეულების ხელმძღვანელებთან. ასევე, ადამიანური რესურსების მართვის საკითხებზე პასუხისმგებელ პირებთან.
შეხვედრის ძირითადი თემები ეხებოდა მართვისა და მენეჯმენტის, თანამშრომლის შერჩევის, შეფასებისა და პროფესიული განვითარების, ასევე, ეთიკისა და კეთილსინდისიერების საკითხებს.
შეხვედრების, რომელსაც უძღვებოდა საჯარო სამსახურის ბიუროს უფროსი გუნდთან ერთად, ძირითადი მიზანი იყო, ზემოაღნიშნულ საკითხებზე გამოცდილების გაზიარება, პრაქტიკაში არსებული პრობლემებისა და გამოწვევების გამოვლენა და მათი მოგვარების გზებზე მსჯელობა.
სსიპ - საჯარო სამსახურის ბიურო, გაერთიანებული ერების განვითარების პროგრამის (UNDP) მხარდაჭერით, კვლავ აგრძელებს მუნიციპალიტეტებში კარგი მმართველობის ხელშეწყობისთვის ღონისძიებების განხორციელებას.
.svg)